HANDUM

"Don't ask yourself what the world needs; ask yourself what makes you come alive. And then go and do that. Because what the world needs are people who have come alive."
~~~

Ako lamang ang nakahibalo sang mga plano para sa inyo, mga plano sa pagpauswag sa inyo, kag indi sa paglaglag, mga plano nga magadala sa inyo sang palaabuton nga inyo ginalauman.
Jeremias 29:11
*@*
Pat-od gid ako nga ang Dios nga nagsugod sining maayong buhat sa inyo, magapadayon tubtob mahimpit ini sa Adlaw ni Cristo Jesus.
Filipos 1:6
*@*
Ang paglaom nga napaslawan nagapasakit sang tagipusoon, Pero ang handum nga natuman nagahatag sing kabuhi.
Hulobaton 13:12
*@*
Pangitaa ang imo kalipay sa GINOO, kag ihatag niya sa imo ang imo gid ginahandom.

Mga Salmo 37:4
*@*
'Ang Dios nagsiling, Amo ini ang akon himuon sa katapusan nga mga inadlaw, ibubo ko ang akon Espiritu sa tanan nga mga tawo. Ang inyo mga kanaakan magapanagna, ang inyo mga pamatan-on nga lalaki makakita sang mga palanan-awon, ang inyo mga katigulangan magadamgo sang mga dalamguhanon.

Binuhatan 2:17
*@*
Pangabaya ang GINOO sa pagbendisyon sang imo mga plano, kag ang imo mga tinutoyo matigayon.
Hulobaton 16:3

***
Promisa sang Dios para sa aton nga Handum

PANGDUHADOHA

"I am with you always, even to the end of the Age"

~~~

Kay ang Dios nagsiling, "Indi gid ako magbiya kag magpatumbaya sa inyo."
Hebreo 13:5
*@*
Si Jesus nagsabat sa ila, "Dumdoma ninyo ini! Kon may pagtuo kamo sa Dios, sarang kamo makasiling sa sining bukid, 'Halin ka diri kag maglukso sa dagat,' Kon wala kamo nagaduhaduha sa inyo tagipusoon, kundi nagatuo nga ang inyo ginasiling mahanabo, matuman ina sa inyo.
Marcos 11:22-23
*@*
"Magpakalig-on ka kag magpakaisog! Indi ka magkahadlok ukon magpakaluya, kay Ako, ang Ginoo nga imo Dios, maga-upod sa imo bisan diin ikaw makadto."
Josue 1:9
*@*
Magmalig-on kita sa paglaom nga aton ginahuptan, kay masaligan naton ang Dios sa pagtuman sang iya saad.
Hebreo 10:23
*@*
Nagsiling si Jesus, "Dumdoma ninyo ini! Kong nagatuo kamo kag wala nagapangduhadoha, mahimo ninyo ang akon nahimo sa sining higera; kag indi lamang ina, kundi makasiling pa kamo sa sini nga bakulod, "Halin ka diri kag maglukso sa dagat,' kag mahimo ina.
Mateo 21:21
*@*
"Subong nga ang kilat nagaidlab kag nagapasanag sang langit halin sa pihak tubtob sa pihak, mangin-amo man ang Anak sang Tawo sa iya pag-abot."
Lucas 17:24

***

Promisa sang Dios para sa aton nga Pangduhadoha